Velkomin á heimasíðu Varar Sjávarrannsóknarseturs við Breiðafjörð!

VÖR er sjálfseignarstofnun og standa 22 aðilar að baki stofnuninni. Eitt meginmarkmið stofnunarinnar er að rannsaka lífríki Breiðafjarðar með það að leiðarljósi að auka þekkingu okkar á vistkerfinu og nýtingamöguleikum auðlinda svæðisins. Rannsóknir Varar tengjast athugunum á fæðuvef Breiðafjarðar og samspili frumframleiðslu og efri fæðuþrepa.
Vör hóf starfsemi sína árið 2006 og í ársbyrjun 2008 flutti starfsemin í eigið húsnæði að Norðurtanga, Ólafsvík. Rannsóknaraðstaðan er rúmgóð og nýtist vel til rannsókna bæði fyrir starfsfólk Varar sem og gestkomandi rannsóknarmenn. 

Nýr starfsmaður ráðinn til starfa
Kristen Marie Westfall hóf störf hjá Vör þann 7. mars síðastliðinn. Kristen hefur doktorsgráðu í sjávarlíffræði með áherslu á notkun sameindaerfðafræðilegra aðferða til að svara vistfræðilegum spurningum. Hún vann rannsóknarverkefni sitt við Nýsjálenskan Háskóla, Victoria University of Wellington, en Kristen er kanadísk að uppruna. Hér mun hún nýta þekkingu sína til að vinna að rannsóknarverkefnum tengdum beitukóngi og öðru sjávarfangi.
Meira...

Fréttasafn 2008-2011